Anak urang Sabu Andaleh,
singgah karumah si Sutan Mudo;
Bia abih bialah tandeh,
hati den kanai kabaa juo.
.
Urang Padang mandi ka gurun,
mandi basiram bungo lado;
Hari patang matoari turun,
dagang baurai aia mato.
.
Nan bak pasan mandeh denai ko… “Usah takuik jo ombak gadang. Riak nan tanang lai kan mambaok karam. Bia lah luko dek sembilu, cegak di ubek nan jo piladang. Kato malereng bisonyo tajam.”
.
Lah biaso tatusuak duri, lah lamo bagadang ati, kok kunun lah jauh badagang diri. Samantang pun baitu, lah pai mandeh basuo nan Kuaso, denai ko kanang jo pasan mandeh. Cukuik sadonyo mangubek sansai badan, buek palapeh ati. Bia ruruik manangguangkan, paubek sakik mambuang sadu. Sampai basuo lai, mandeh. Lah biaso manahan tangih.
.
.
.
..
.
.
*Adat urang maminjam jo manyabuik tando batimo kasiah, sungguah pun sakada pantun. Mangko pantun nan duo rangkap datangnyo dari ma lai jikok indak dari lagu lamo.
.
.
Leave a Reply