Ringkas jak status kawan sia di Facebook pagi tadi. Dia bilang suruh kitaurang ceria di pagi hari Jumaat neh. Yes, that’s all. Tapi sia rasa macam tu status ditujukan khusus untuk sia yang nda bagitu ceria sabab ada lima gantang laundry mok kasi abis sampai paringkat seterika. Mok pupus suda isi perut lemari bajuku.
.
Trus tiba-tiba sia teringat kawan sia yang suda lama sakit kencing manis. Trus sia bersyukur, nda brani marungut merengus maratap menangis hidup sia nda ceria. Badan sia sihat teda penyakit, poket sia ada lah sekian ringgit nda kosong, anak-anak sia bagus jak riang gembira. Palagi yang nda manis dalam hidup sia neh? Lagi nda mok ceria kah? Aihhhh!
.
.
Trus sia buat-buat senyum manis-manis sambil bikin kopi nda taruk gula. Ceria suda neh!
.
.
.
..
.
.
Tuuhan oku. (Bahasa Dusun)
= I’m thirsty / Saya haus.
.
.
Questa è Enida 
lima gantang kah lagi tu ! heheh.. and yes.. syukur lah nak..kita masih ada kesihatan..*minum teh c teda gula*
Masi lima gantang bah! Sia sibuk blogging jak. Bah! Bukan teda manis hidup sia neh. Teda motivasi! Hahaha. Lagi mok bising!